Cap. 16,18 - 19,21

Source: https://www.danteolivi.com/lsa-html-6-cap-16-18-19-21

566

1 Deinde ut sensibili exemplo fortius exprimat terribilem dampnationem eius, subditur: Et sustulit unus angelus fortis lapidem quasi molarem magnum et misit in mare dicens: Hoc impetu mittetur, scilicet in dampnatione seu in mare innumerabilium et crudelium hostium seu nationum, seu in ma-[f. 180rb]-re inferni, Babilon illa magna civitas, et ultra iam non invenietur, scilicet in hoc mundo vel in statu alicuius glorie. 2 Secundum Ioachim, si lapis iste non solum ponitur pro exemplo sed etiam pro misterio, tunc designat aliquem de regibus mundi quem angelus prepotens deiciet in abissum, eo forsitan ordine aut consimili quo rex Theodoricus est in ollam vulcani iactatus a papa Iohanne, ut in regis impiissimi manifesto iudicio quid multitudo pessima mereatur agnoscat [1].