Caput 9

Fratres non praedicent in Episcopatu alicujus Episcopi, cum ab eo illis fuerit contradictum. Et nullus Fratrum populo penitùs audeat praedicare, nisi à Ministro Generali hujus Fraternitatis fuerit examinatus et approbatus, et ab eo sibi officium praedicationis concessum. Moneo quoque, et exhortor eosdem Fratres, ut in praedicatione quam faciunt, sint examinata et casta eorum eloquia, ad utilitatem et aedificationem populi, annuntiando eis vitia et virtutes, paenam et gloriam, cum brevitate sermonis, quia verbum abbreviatum fecit Dominus super terram.