Caput 5

Fratres illi, quibus gratiam dedit Dominus laborandi, laborent fideliter et devotè, ità quòd excluso otio animae inimico, sanctae orationis et devotionis spiritum non extinguant, cui debent caetera temporalia deservire.

De mercede verò laboris, pro se, et suis Fratribus corporis necessaria recipiant, praeter denarios, vel pecuniam.

Et hoc humiliter, sicut decet servos Dei, et paupertatis sanctissimae sectatores.